Fréttir

Hér má finna bréf til foreldra í leikskóladeild vegna breyttra starfshátta í leikskóladeild sem og bréf til foreldra í grunnskóladeild vegna breyttra starfshátta vegna áhrifa neyðarstigs COVID 19 á skólastarfið. Eins má nálgast áætlun fyrir þessar deildir í heild sinni fyrir skólann í viðbragðsáætlun.

Ákveðið hefur verið að mánudagurinn n.k., 16.mars verði starfsdagur í Seyðisfjarðarskóla til þess að stjórnendur og starfsmenn í grunnskóladeild, leikskóladeild og listadeild geti skipulagt skólastarfið sem best á þessu tímabili sem takmörkun um skólahald næstu 4 vikurnar nær til. Nemendum er því gert að vera heima á mánudaginn. Foreldrar í Seyðisfjarðarskóla eru beðnir um fylgjast vel með upplýsingum sem birtast munu um helgina og á mánudaginn m.a. með tölvupósti, á heimasíðu okkar og heimasíðu sveitarfélagsins. Kær kveðja Svandís skólastjóri

Umboðsmaður barna, Salvör Nordal, heimsótti allar deildir Seyðisfjarðarskóla fimmtudaginn 12. mars. Með henni í för voru tveir starfsmenn embættisins og kynntu þau sér starfsemi allra deilda skólans og spjölluðu við nemendur ásamt því að kynna fyrir þeim hlutverk sín.