Nefndir og ráð

Handbók fyrir nefndarmenn

• Að standa vörð um hagsmuni og velferð nemenda. Tryggja að sjónarmið nemenda heyrist í skólasamfélaginu og að tekið sé tillit til þeirra í ákvarðanatöku.
• Að efla lýðræðislega þátttöku nemenda. Gefa nemendum tækifæri til að hafa áhrif á skólastarfið og taka þátt í ákvarðanatöku um mál sem snerta þau.
• Að stuðla að góðum skólabrag og félagslífi. Skipuleggja viðburði sem efla samheldni, gleði og jákvæð samskipti meðal nemenda.
• Að vera tengiliður milli nemenda og starfsfólks. Koma á framfæri hugmyndum, ábendingum og áhyggjum nemenda við stjórnendur og starfsfólk skólans.
• Að vinna með öðrum aðilum innan og utan skólans. Stuðla að samstarfi við foreldrafélag, félagsmiðstöð, sveitarfélag og aðra sem geta stutt við líflegt og innihaldsríkt skólastarf.

Nemendaverndarráð Seyðisfjarðarskóla starfar samkvæmt reglugerð um nemendaverndarráð í grunnskólum.  Hlutverk nemendaverndarráðs er að samræma skipulag og framkvæmd þjónustu við nemendur varðandi heilsugæslu, námsráðgjöf og sérfræðiþjónustu og forvarnir. Í nemendaverndarráði Seyðisfjarðarskóla sitja; skólastjóri, aðstoðarskólastjórar í leik- og  grunnskóladeildar, skólahjúkrunarfræðingur og sérkennari. En nemendaverndarráð nær einnig til nemenda í leikskóladeild og sinnir umsjón með vinnu við Austurlandslíkanið.

Nemendaverndarráð fjallar um sérstök úrræði fyrir einstaka nemendur eða nemendahópa. Ráðið metur eftir atvikum mál sem koma á borð þess og  kemur í farveg sem leiðir til lausna.  Fundir eru haldnir fimm til sex sinnum á ári.

Þurfi nemandi að mati umsjónarkennara, á sérstakri aðstoð að halda vegna fötlunar, sjúkdóms eða námslegra, félagslegra eða tilfinningalegra erfiðleika, skal umsjónarkennari vísa málinu skriflega til skólastjóra sem getur lagt málið fyrir nemendaverndarráð.

Nemendaverndarráð hefur alltaf hag nemenda að leiðarljósi, ráðið er úrlausnarmiðað og styðjandi við barnið, bekkinn, kennarann og foreldrana eftir því sem við á.

Sjá nánar