Mötuneyti

Matseðlar í skólamötuneytinu eru unnir samkvæmt leiðbeiningum Lýðheilsustöðvar og er t.d. áhersla á að bjóða upp á grænmeti og ávöxt með hverri máltíð, fiskmáltíðir eru tvisvar í viku og drykkir eru eingöngu mjólk og vatn. Skólaárið 2017-2018 voru unnar kjötvörur á borð við pylsur og aðkeypt kjötfars ekki á matseðli. Skólaárið 2018-2019 ´jókst  framboð af hráu niðurskornu grænmeti. og skólaárið 2019-2020 skoðum við sykurmagn og minkum það. Mötuneytið er MSG laust eldhús. 

Nemendur geta skráð sig í 5 máltíðir á viku hvort sem þeir eru í skólanum eftir hádegi eða ekki og hvetjum við fólk til að nýta sér skólamáltíðirnar.

Gert er ráð fyrir því að þeir sem skrá sig séu a.m.k. þrjá daga vikunnar í mat.

Hægt er að segja sig úr hádegismat hvenær sem er en alltaf er greiddur heill mánuður.

Hádegismatur

Í skólanum er boðið upp á heitan mat í hádeginu en sami matseðill gildir fyrir leik- og grunnskóladeild. Auk þess fá nemendur ávaxtahressingu að morgni og leikskólanemendur fá auk þess hressingu um kaffileytið.

Nemendur í leikskóladeild njóta hádegisverðar á sínum deildum en nemendur í grunnskóladeild matast í Félagsheimilinu Herðubreið. Hádegishlé í grunnskóladeild er k.l 11:45 - 12:30.  Eftir matinn fara þeir nemendur út í frímínútur.

Foreldrar skrá börn í grunnskóladeild í hádegismat á heimasíðu skólans. Þeir grunnskólanemendur sem ekki vilja nýta sér þann valkost að kaupa hádegismat í skólanum geta tekið með sér nesti eða hafa 40 mínútur til að fara heim og borða.

Skráning í mat og morgunmat í leikskóladeild gerist einnig á heimasíðu.

Matráður, kennarar í leik- og grunnskóladeild og nemendur enduskoða matseðilinn reglulega. 

Verð á máltíð má finna undir liðnum gjaldskrár.

Athugið að skráning í hádegismat, árbít og Skólasel miðast alltaf við mánaðamót.