Tónlistarskólinn

Skólaárið 2025-2026 er boðið upp á nám á eftirfarandi:

· Strengjahljóðfæri: Píanó, fiðlu, ukulele, gítar og rafbassa

· Trommur og slagverk

· Söng, kenndan bæði vikulega og í þrem tveggja vikna lotum yfir árið

· Raftónlist, upptökutækni og tónsmíðar

Nokkrar námsleiðir eru í boði þar sem hálft nám er 30 mínútna einkatími í viku, en í heilu námi er hægt að velja um þrjár námsleiðir:

· 2 x 30 mínútna einkatímar

· 1 x 60 mínútna einkatími (í boði fyrir nemendur á unglingastigi og fullorðna nemendur)

· 1 x 30 mínútna einkatími + 1 x 30 mínútna hóptími.

Haldið er áfram að byggja á starfi síðasta árs með samspilshópa, þar sem í boði verður fyrir nemendur frá 2.bekk að vera 2-3 saman í hóp, og frá miðstigi í allt upp í 5 saman í hóp í hljómsveitum. Eins og er bjóðum við upp á samspil á hefðbundnari dægurlagahljóðfæri: gítar, söng, bassa, ukulele, rafhljóðfæri og trommur.

Þetta árið eru fjórar starfandi hljómsveitir, þar sem áhersla er lögð á frumsamdar lagasmíðar. Samspil er kjörin leið til að efla sköpunarkraftinn og kynnast hljóðfæri sínu á nýjan hátt.

Við höldum áfram samstarfi við listadeildina, og að blanda saman mismunandi skapandi greinum yfir árið. Ýmsir skemmtilegir viðburðir verða á skólaárinu, til dæmis listasýningar og tónlistarnámskeið.

Leitast er við að skapa samfellu í skóladeginum hjá nemendum í tónlistarnámi. Nemendum Seyðisfjarðarskóla er því kennt á skólatíma grunnskóladeildar og samkvæmt samkomulagi. Kennslan fer annarsvegar fram í Svarta skóla, kennslustofum Tónlistarskólans, og í Rauða skóla. Hljóðfæranám fer fram jafnt og þétt yfir skólaárið.

Nemendur koma fram á hefðbundnu jóla- og vortónleikahaldi, eftir samkomulagi við sína kennara, og koma með einum eða öðrum hætti að uppsetningu skólaskemmtunar auk ýmissa viðburða yfir skólaárið.

Gjaldskrá sveitarfélagsins gildir fyrir tónlistarnámið:

Gjaldskrá fyrir önnina, skólaárið 2025-2026

Börn

Fullt nám 27.965 kr

Hálft nám 23.124 kr

Fullorðnir, 23ja ára og eldri

Fullt nám 70.596 kr

Hálft nám 42.603 kr

Systkinaafsláttur gildir til og með 23ja ára. Nemandinn í viðamesta náminu greiðir fullt gjald, annar fjölskyldumeðlimur fær 30% afslátt, þriðju 50% og fjórði 70%.

Árgjald hljóðfæraleigu er 7.888 kr.

Hafa má samband á netfangið  gudrun.veturlida@mulathing.is. með fyrirspurnir og óskir um önnur hljóðfæri.

Sækja má um nám HÉR.