Fréttir

Í tilefni af Dagi leikskólans, 6. feb. hefur verið sett upp sýning á verkum leikskólanemenda og ljósmyndum úr skólastarfinu í Rauða skóla.

Í tilefni dagsins verður eftirfarandi í gangi í leikskóladeild Seyðisfjarðarskóla. Nemendum í 8.-10. bekk í grunnskóladeild boðið í heimsókn fyrir hádegi til að kynnast og taka þátt í starfinu á leikskóladeild. Sýning í Rauða skóla á verkum nemenda og úr starfinu á leikskóladeild í vetur.

Vikuna 29. jan. – 2 feb. var tannverndarvika hjá okkur í leikskóladeild.

Þriðjudaginn 23. jan. var haldið Þorrablót í leikskóladeild. Nemendur og starfsfólk áttu saman huggulega stund þar sem smakkaður var hákarl og súr þorramatur en að vanda var hangikjötið og slátrið vinsælast ásamt kartöflumúsinni.

Nemendur í 5.-7. bekk hafa undanfarið verið að læra um Norðurlöndin í samfélagsfræði. Lokaverkefni nemenda var hópverkefni sem fólst í að gera hugarkort um Norðurlöndin. Nemendur fengu nokkuð frjálsar hendur með útfærsluna á hugarkortinu og varð útkoman mjög fjölbreytt og skapandi.

Nemendur í Skólseli voru svo heppnir að fá að gæða sér á súrdeigsbrauði sem nemendur á miðstigi höfðu bakað í heimilisfræði. Ylvolgt brauðið var „alveg roooosalega gott með smjöri“ eins og einn nemandi orðaði það.