Seyðisfjarðarskóli

Nemendaráð grunnskóladeildar mælist til að nemendur og starfsfólk mæti í bleiku á morgun föstudag.

Menningarmótsverkefnið er kennsluverkefni. Meginmarkmið verkefnisins er að nemendur styrki sjálfsmynd sína, hugsi sjálfir um styrkleika sína og áhugasvið og hvað þeim er mikilvægt.

Nemendur og starfsfólk hafa verið að undirbúa Menningarmótið sem haldið verður á morgun föstudag. Menningarmótsverkefnið er kennsluverkefni sem nær hápunkti þegar við bjóðum foreldrum og gestum í heimsókn og höldum upp á margbreytilega menningu okkar og styrkleika. Meginmarkmið verkefnisins er að nemendur styrki sjálfsmynd sína, hugsi sjálfir um styrkleika sína og áhugasvið og hvað þeim er mikilvægt. Verkefnið er samstarfsverkefni deilda skólans, mikilvægur liður í að vinna með líðan og sjálfstraust nemenda okkar og tækifæri til að sýna fram á og viðurkenna styrkleika okkar sem fjölmenningarlegt skólasamfélag. Verkefnið æfir alla í að bera virðingu fyrir eigin skoðun og skoðunum annarra, styrkleikum og persónulegri menningu hvers og eins, og við kynnumst öll betur og tengjumst. Nemendur æfa hugrekki og skapandi vinnubrögð, tjáningu, framsetningu upplýsinga og svona mætti lengi telja.

Í Herðubreið þriðjudaginn 9. október kl 17:30-20:00

Í gær, þriðjudaginn 25. sept. var Dvergasteinsnemendum boðið á leiksýninguna Sögustund í Sláturhúsinu á Egilsstöðum.

Í vetur viljum við efla skólasamfélagið í því að nota Mentor. Það er margt hægt að gera þar nú þegar og eftir því sem við öll æfum okkur betur í að nýta kerfið, verður það að kíkja þangað inn eðlilegur og gagnlegur hluti af rútínunni okkar.