Dagur íslenskrar náttúru á leikskóladeild

Af því tilefni voru margvísleg verkefni á dagskrá í leikskóladeild til að vekja athygli á deginum. Börn yngri deildanna fóru í gönguferðir um nágrennið. Börnin á Dvergasteini léku sér með náttúrulegan efnivið og föndruðu einnig fallegar myndir.
Elstu börnin fóru með Önnu Margréti í vettvangsferð um bæinn í leit að hundasúrum. Úr hundasúrunum bjuggu þau svo saman til pesto og fengu að smakka. Þau áttu góða stund saman við matreiðsluna þó ekki hafi öllum þótt pestóið bragðgott.