Listadeild

Listadeild Seyðisfjarðarskóla var sett á laggirnar árið 2016 þegar leik-, grunn og tónlistarskóli runnu saman í eitt.
Í listadeild fer fram kennsla í tónmennt, sjónlistum, textílmennt, leiklist, heimilisfræði, smíði og hönnun samkvæmt aðalnámskrám leik- og grunnskóla.

Lögð er áhersla á að nemendur vinni sjálfstætt að skapandi verkefnum, undir faglegri leiðsögn kennara, þar sem framsetning og góður frágangur er hafður að leiðarljósi.

Innan deildarinnar er auk þess starfræktur tónlistarskóli sem starfar samkvæmt lögum og námskrá um tónlistarskóla, og stendur tónlistarnám til boða fyrir alla bæjarbúa.

Meginhlutverk deildarinnar er að:
• veita nemendum tækifæri og rými til að þjálfa sig í list- og verkgreinum.
• kynna fyrir nemendum helstu leiðir og aðferðir í hverri grein fyrir sig.
• aðstoða nemendur við að finna sína fjöl innan list- og verkgreina.

Listkennsla fer fram í Rauða skóla, Skólavegi 2, og tónlistarkennsla fer fram bæði í Rauða skóla og Svarta skóla.
Deildarstjóri listadeildar er Guðrún Veturliðadóttir, gudrun.veturlida@mulathing.is.

Í kennarateyminu veturinn 2026-2027 eru:

Tónlistarkennarar

• Árni Geir Lárusson kennir á slagverk, gítar og bassa auk þess að sjá um hljómsveitaræfingar
• Ellem Skovhøj kennir lagasmíðar auk þess að sjá um hljómsveitaræfingar
• Hlín Behrens kennir á píanó og söng.
• Mairi Louisa kennir á píanó og fiðlu.
• Guðrún Veturliða sér um skipulag tónlistarskólans

List- og verkgreinakennarar:

• Sigurður Snæbjörn Stefánsson kennir tónmennt.
• Klaudia Karolina Kaczmarek kennir myndmennt, í afleysingum fyrir Ra Tack
• Ingibjörg Lárusdóttir kennir smíði og textílhönnun.