Leikskólinn heimsækir tónlistarskólann

Föstudaginn síðastliðinn kom elsta stig leikskólans í jólaheimsókn í tónlistarskólann. Þar hlustuðu þau á tónlistarflutninga nokkurra bassa- og trommunemenda Árna Geirs, píanónemenda Mairi og söngnemenda Hlínar. Tónlistarnemendurnir hafa tekið örum framförum á önninni og skemmtilegt að heyra fjölbreytta trommutakta, jólalög bæði á píanó og bassa og sönglög. Leikskólakrakkarnir stóðu sig með stakri prýði að sitja og hlusta á tónleikana.