Nemendur Dvergasteins í útikennslustofunni

Á mánudagsmorgun 27. ágúst fóru allir nemendur Dvergasteins í útistofuna með það að markmiði að læra umgengni við hana. Það er mjög mikilvægt að temja okkur góðar reglur í umgengni við eldstæði og heitt vatn. Við suðum vatn, drukkum kakó og bruddum tvíbökur. Gengum upp í Dagmalaskóg og lékum okkur við lítinn læk og í berjamó. Við skoðuðum líka mismunandi trjátegundir og síðar í vikunni munu hóparnir fara og velja sér vinatré. Þau munu fylgjast með ártíðabreytingunum á trénu sínu í haust, vetur, vor og fram á sumarið.