Hér má finna lista yfir það helsta sem starfsfólk og nemendur Seyðisfjarðarskóla eru að vinna að á yfirstandandi skólaári til að þróa starfið í skólanum. Þetta er ekki tæmandi listi þar sem að fjölmörg verkefni tengd kennslu og námi hafa öðlast fastan sess í skólastarfinu og keyra venju samkvæmt ásamt því að þróast alltaf eitthvað á hverjum tíma.
Starfshættir
- Starfsfólk vinnur með nemendum samkvæmt uppeldis og samskiptastefnunni Uppeldi til ábyrgðar.
- Starfsfólk endurmenntar sig í aðferðum Uppeldi til ábyrgðar. Innleiðingaráætlun stefnunar til 3gja ára gerð á skólaárinu.
- Ófrávíkjanlegar reglur, gildi skólans og gildi starfsmanna og starfsmannasáttmáli unninn. Umræður um hlutverk hvers og eins.
- Aukning á fréttum á heimasíðu. Heimasíðan gjarnan nýtt sem vettvangur fyrir nemendur í merkingabæru námi (sem sagt nemendur flytja gjarnan fréttirnar af því sem hefur þýðingu í þeirra huga).
- Bókasafn nýtist með starfsmanni á skólatíma.
- Nýting á Mentor aukin á öllum deildum, nemendur, foreldrar og kennarar.
- Heilsueflandi skóli: Þemun hreyfing og öryggi fléttast inn í skólastarfið á öllum deildum með nemendum. Stjórnendur og skólaráð taka fyrir gátlista og umræða um þá er á fundum starfsfólks.
- Umræður um síma í skólum, meðal nemenda, starfsfólks og stjórnenda og í skólaráði.
- Skólaforðunarátak, nýtt verklag vegna ástundunar nemenda í grunnskóladeild.
- Skólaráð vinnur sem sameinað skólaráð fyrir bæði skólastig.
- Aðlögun nemenda og starfsfólks í grunnskóladeild og listadeild að breyttri nýtingu húsnæðis.
- Sameiginlegir verkefni unnin þvert á deildir, t.d. Menntamót, Skólaþing, skólaskemmtun og fleira.
- Niðurstöður úr Skólapúlsi, skimunum og könnunum nýttar til eflingar skólastarfs og skólaþróun.
- Söngstundir á sal í grunnskóladeild og samsöngur í leikskóladeild.
- Málörvun með kennsluefninu „Lubbi finnur málbein“ nýtt á leikskóladeild.
- Stefna í listadeild afprófuð og aukin samnýting kennara á öllum deildum.
- Fjarkennsla í tónlistarkennslu, nýtt kennsluform prófað.
- Tónlist almennt kennd á skólatíma, nemendur teknir úr tíma eða mæta beint eftir skóla. 1.-3. bekkur fær kennslu á tíma Skólasels, þróað áfram með hliðsjón að heildstæðum degi hjá nemendum.
- Tónlistarnám kennt í lotum að hluta til í listadeild, tímafjöldi og framboð aukið.
- Skapandi kennsluhættir og samþætting námsgreina þróað áfram.
- Orð af orði, kennsluhættir styrktir á mið- og unglingastigi. Byrjendalæsi í 1. og 2. bekk. Lubbi finnur málbein á leikskóladeild.
- Kennarar vinna markvisst að því að bæta líðan nemenda og samskipti. Aðstoð fengin utanfrá eftir atvikum.
- Valgreinar á unglingastigi, nemendastýrt að stórum hluta.
- Fjölgun á tímum í stærðfræði á stundaskrá hjá öllum stigum.
- Teymiskennsla þróuð áfram á miðstigi og hefst á yngstastigi (metið að vori).
- Áhersla á að takmarka truflun kennslu.
- Viðbrögð við manneklu í Félagsmiðstöð. Spilakvöld og hlutverkaleikjaþema.
- Starfsþróunaráætlun í gildi, (verður endurskoðuð haust 2020, birt í janúar 2021)
- Innramatsáætlun tekur gildi, umbótaár.
- Ný jafnréttisáætlun tekur gildi.
- Samstarfssamningur við Skaftfell í gildi, aðlagaður að starfinu og samstarf þróað.
- Sameiginlegir skipulagsdagar allra starfsmanna og unnið með liðsheild og innra starf.
Stefnumótun
- Læsisstefna og stefnur í starfi leikskóladeildar unnar ef mönnun leyfir.
- Unnið að stefnumörkun og kynningu fyrir erlenda gesti og aðra gesti ef mönnun leyfir.
- Starfsþróunaráætlun endurskoðuð í haust..
- Umræða um stefnumörkun fyrir námsmat á öllum skólastigum. Unnið að endurskoðun á námsmati.
- Leikskólalóð: hugmyndavinna.
- Listadeild og námskeið utan skólatíma þróað.
- Umræður um samvinnu við aðrar stofnanir.
- Umræður um þróun Skólasels.
Húsnæði og aðbúnaður
- Eftirfylgni með ósk um sameiginlegt skólahúsnæðu/úrbótum á húsnæði.
- Úrbætur á aðgengi og aðstöðu í Gamla skóla og Rauða. Kjallari og ræsting.
- Úrbætur á tölvubúnaði í grunnskóladeild (Ipadar/fartölvur uppfærðar)
- Tölvuver í grunnskóladeild endurbætt, aðbúnaður til forritunar bættur.
- Flutningur á tónlistarkennslu yfir í húsnæði grunnskóla- og leikskóladeildar, í áföngum (lokið sh. 2019).
